Култното дело на Момо Капор и Зуко Џумхур – „Зелена чоја Монтенегра“ од вчера живее и како театарска претстава. Најпрвин во Будва, па во Белград. За цел свет... Режијата ја потпишува Никита Миливојевиќ...

- Отсекогаш особено ги сакав приказните во кои има мешавина од време, простор, реално и нереално, каде што е на нејасна граница кога реалноста застанува а, фикцијата започнува, бидејќи тие се толку испреплетени што понекогаш е невозможно да се разликуваат. Во театарот, тоа секогаш беше нешто многу инспиративно за мене. „Зелена чоја на Монтенегро“ е само една од таквите приказни... 

Со овие зборови, режисерот Никита Миливојевиќ за „Политика“ ја најави работата на претставата „Зелена чоја на Монтенегро“, од Момо Капор во соработка со Зуко Џумхур, драматизирана од Стеван Копривица, чија премиера се случи синоќа во амбиенталниот простор на манастирот Света Троица, во близина на Будва. Копродукцијата е потпишана од Белградскиот драмски театар, Град Театар Будва и Градскиот театар од Подгорица. 

- Стеван Копривица направи одлична драматизација така што Цетиње, каде што се случува романот, изгледа малку како „Казабланка“ од познатиот филм. Има многу необични, интересни ликови, неверојатни настани, љубов, интриги, политика, страст, пријателство. Сето тоа заедно, ми се чини, е повеќе од доволно за возбудлива претстава - вели Миливојевиќ. 

„Зелена чоја на Монтенегро“ ја раскажува приказната за пријателството меѓу црногорскиот принц Никола Петровиќ и Осман-паша Сархош, кој бил заробен во битката кај Вучји дол во јули 1876 година, каде што тој командувал со турската артилерија... Во исто време, тоа е приказна за Зуко Џумхур, наратор, патник, карикатурист..., и пријателство со Капор, со кого напиша сценарио за филм со исто име во 1967 година, за судбината на турскиот генерал. 

Во актерската екипа се: Милош Пејовиќ, Дејан Ѓоновиќ, Емир Ќатовиќ, Симо Требјешанин. Јелена Симиќ, Маја Стојановиќ, Андрија Кузмановиќ, Слободан Бода Нинковиќ, Марко Живиќ, Милорад Дамјановиќ, Иван Заблаќански, Стефан Радоњиќ.