Водечкиот европски салон и платформата за мобилност, одржливост и технологија годинава ги постави глобалните трендови во автомобилската индустрија – Саемот IAA Mobility во Минхен кој се одржа од 8 до 14 септември. Во овогодишното издание доминантни германските производители кои ги покажаа и докажаа сопствените технолошки можности.
.jpg)
И годинава во фокус беа електричните автомобили од брендовите на Volkswagen Grupa, Mercedes-Benz, Renault Grupa, Stellantis, BMW, BYD На саемот се претставиле и кинеските марки BYD, XPeng, Leapmotor, Omoda, Jaeco te Hongqi, потоа Корејците со Hyundai, Genesis, Kia, меѓутоа отсуствувале јапонските марки.
Германските производители го менуваат дизајнот на електричните возила
Овогодишниот саем IAA Mobility во Минхен наметна и едно прашање: Зошто германските производители се враќаат на дизајнот од минатото кога електричните автомобили се иднината.
Volkswagen ID. Cross - На саемот IAA Mobility 2025 во Минхен, Volkswagen откри голем број нови модели, а најголемо внимание привлекол предсерискиот концепт ID Cross. Станува збор за мал SUV од Б-сегментот, што на пазарот ќе се појави следното лето во сериска верзија како електрична алтернатива на популарниот T-Cross.
Инаку, посебно внимание на овој саем предизвика презентацијата на главниот дизајнер на Volkswagen, Андреас Минт, кој за електричниот ID.Polo, вели дека кога го гледа, тој гледа пријателско, познато лице. И според него токму тоа е поентата. Минт го опишува преминот од футуристичкиот и минималистички дизајн на претходните модели на ID кон испробан и тестиран дизајн на саемот за автомобили IAA во Минхен. „Кога ќе го погледнете ова лице, се чувствува оптимистички“, рекол Минт, покажувајќи го предниот дел од автомобилот на саемската презентација. И додал: „Тоа предизвикува позитивни чувства. Сите линии одат нагоре, па затоа изгледа пријателски, позитивно и оптимистички.“
Сличен пристап, како што пренесуваат медиумите, се гледал низ целиот овогодишен саем IAA Mobility, при што доминирало размислувањето на европските производители на автомобили за нов пристап кон дизајнот и маркетингот на електрични возила.
Соочени со предизвикот да ја зголемат привлечноста на своите модели, повеќето производители ја ставаат препознатливоста на брендот пред новитетот.
„Добредојдовте дома“
„Мерцедес“ исто така најавил дека ќе ги спои дизајнерските насоки за моторите со внатрешно согорување и електричните возила во идните модели. Неговиот слоган „Добредојдовте дома“ доаѓа во време кога брендот слави речиси 140 години постоење.
И додека новиот електричен SUV ix3 на BMW е импресивно модерен однатре и однадвор, неговата позната решетка - популарно позната како „бубрег“ - е инспирирана од серијата од 1960-тите наречена „Нова класа“.
Но, токму во Volkswagen промената е највидлива. Неколку дена пред саемот, компанијата објавила дека го отфрла нумеричкото именување на ID семејството. Започна со ID.2, кое сега именува ID.Polo, по моделот познат на генерации европски возачи.
„Мора да останете модерни, да останете еден чекор понапред“, изјавил Томас Шефер, извршен директор на брендот Volkswagen и шеф на Андреас Минт. „Но, исто така, мора да останете верни на брендот.“
Возилото исто така повеќе личи на класично Поло, со потесен профил, поизразени линии и изложени браници. Внатрешноста се враќа на физички копчиња за функции како што е климатизацијата - на барање на клиентите.
Надворешноста, исто така, вклучува подебели задни светла, опиша Минт, како еден од деталите што треба да сугерираат робусност. „Тие изгледаат како дебело стакло, како чаши за виски, знаете што мислам? Тие не се како чаши за шампањ, кои лесно се кршат.“
Враќање кон основите
За компанијата со седиште во Волфсбург, дизајнот претставува еден вид враќање. Фолксваген сериозно почна да произведува електрични возила дури по скандалот со дизелот во 2015 година. Новиот извршен директор Херберт Дис беше поборник за трансформација и отворен обожавател на Илон Маск, кој тогаш ја претвораше Тесла во најголем производител на електрични автомобили во светот - позиција што Фолксваген исто така отворено ја бараше.
Дис, исто така, ја задржа својата улога како раководител на брендот Фолксваген (технички посебна функција) за да го надгледува дизајнот и лансирањето на првиот електричен автомобил развиен од нула, ID.3.
Токогашниот раководител на дизајнот изјавил дека изгледот на хечбекот, со закривени панели и помалку остри линии, требало да претставува раскинување со минатото.
Но, првиот чекор на Фолксваген не бил сигурен. Проблемите со софтверот ја намалиле привлечноста на возилото и долго време го мачеа брендот, што во 2022 година го чинеше Дис неговата функција.
Серијата ID стана едно од најпродаваните електрични возила во Европа, но вкупната продажба остана под очекувањата. Според податоците од европската автомобилска индустрија, пазарниот удел е помал од 16 проценти, а растот се забави во последните години.
Создавање на „правиот Фолксваген“
Кога Шефер го презеде брендот Фолксваген во 2022 година, тој се спротивстави на тогашната стратегија за дизајн и маркетинг на ID. „Кога разговарав со тимот, прашав: Што треба да направиме за повторно да направиме вистински „Фолксваген“, образложува Шефер во интервју за Дојче Веле.
Дизајнот беше клучен дел од одговорот. Во 2024 година, Шефер го отпушти тогашниот раководител на дизајнот и го ангажираше Минт. Тој вели дека упатствата на шефот биле јасни: „Тој сакал вистински, оригинален Фолксваген“.
Компанијата сега ги полага своите надежи на неговата работа. ID.Polo го дели својот погонски склоп со пет други модели што Фолксваген ќе ги лансира во наредните месеци, вклучувајќи ја и GTI варијантата, како и новите модели од Шкода и Купра.
Успехот базиран на обемот на производство и продажба сега е клучен за производителот, кој се соочува со построга конкуренција од кога било. Кинеските производители стануваат сериозни конкуренти, а идејата за електрични погони е сè поконтроверзна, особено со подемот на популистичката политика и враќањето на Трамп на претседателската функција во Соединетите Држави.
За дизајнерот Минт, таа контроверзност е уште една причина да се фокусира на она што тој го нарекува дизајн на „висина“. Тој верува дека клиентите ќе ја разберат неговата намера со ID.Polo - дури и ако не можат да го објаснат.
„Понекогаш дури и не мора да го објаснувате“, навел Минт. „Луѓето го чувствуваат тоа со своето срце“.
За потсетиме, големиот меѓународен саем за автомобили IAA пред Минхен претходно се одржуваше во Франкфурт со години до 2019 година и е еден од најголемите светски настани за мобилност, фокусиран на автомобилски и технолошки иновации, одржливост и иднината на транспортот.
