TOGG е првиот турски бренд добитник на iF Design Award  за дизајнот на C-SUV. Турскиот автомобил е добитник на најпрестижната награда за дизајн за прв пат во светот. Веста ја објави иницијативната група за производство на автомобили во Турција (TOGG), јавува Anadolu Agency (AA).

„TOGG стана првиот турски бренд што доби ваква награда и постигна значителен успех во подвижноста со својот модел C-SUV на iF Design Awards 2021“, се вели во соопштението.

Оваа година, околу 10.000 производи и проекти од 52 земји се натпреваруваа за наградите iF Design. Наградите од 1954 година се сметаат за симбол на извонредност на меѓународната сцена.

Електричното возило TOGG C-SUV ја освои наградата во категоријата „Професионален концепт“.

„Ги поставивме нашите дизајнерски цели и технички спецификации за нашиот автомобил на основа на увидот на корисникот“, рече Гурчан Каракас, директор на групата.

Тој ја поздрави работата на светски познатиот дизајнер Мурат Гунак. Дизајнер, кој неодамна се приклучи на иницијативната група за производство на автомобили во Турција.

„Крунисувањето на нашиот оригинален дизајн со многу вредна награда, е резултат на инспирацијата од нашата култура. Тој е регистриран во 27 земји од Европската унија, Кина, Јапонија и Русија, што нè мотивира да работиме подобро“, рече Каракас.

TOGG има намера да произведе пет модели на електрични и сродни возила до 2030 година, стои во соопштението.