„ChatGPT е одличен додаток за генерирање знаење, за извршување на одредени задачи, на пример, пишување есеи“, изјави Нарајана Мурти за CNBC.

„И вие и јас имаме пристап до истиот ChatGPT, но човечкиот ум е она што го разликува едното од другото“, рече Мурти.

Мурти беше извршен директор на Infosys од 1981 до 2002 година. Во 2014 година, тој беше рангиран на 13-то место меѓу 25-те глобални бизнис лидери на CNBC со најголемо влијание врз општеството.

„Јас сум голем верник во теоријата дека човечкиот ум е најмоќната машина“

„Ако има конкуренција помеѓу вас и мене, ќе го користите ChatGPT излезот како основа, а потоа ќе додадете сопствена диференцијација, сопствен ум, сопствено дотерување“, продолжи Мурти. „И тогаш наставниците ќе бидат многу повеќе импресионирани од вас отколку јас“.

Мрзливите момци ќе добијат тројка. Само паметните луѓе ќе добијат петка“, рече Мурти. „Значи, не сум толку загрижен за ChatGPT.“

Мурти вели дека ќе го користи ChatGPT како инструмент, асистент во производството на поквалитетна работа и резултати - но не како замена за луѓето.

„На крајот на краиштата, јас сум голем верник во теоријата дека човечкиот ум е најмоќната имагинација, најмоќната машина. Непостои ништо што може да го победи човечкиот ум“.

Infosys - индиски гигант

Во 1981 година, Мурти и шест други инженери го основаа Infosys со само 250 американски долари почетен капитал. Infosys обезбедува услуги за деловен консалтинг, информатичка технологија, софтверско инженерство и услуги за аутсорсинг.

Денес, компанијата прерасна во бренд од повеќе милијарди долари со пазарна капитализација од 62 милијарди долари и вработува повеќе од 346.000 луѓе ширум светот од Азија-Пацифик до Северна Америка до Европа и Блискиот Исток.

Infosys беше првата индиска компанија која беше котирана на Nasdaq во март 1999 година, по што следеше Њујоршката берза во декември 2012 година.

Infosys е трет највреден бренд за ИТ услуги во светот со вредност на брендот од 13 милијарди долари, зад Accenture и Tata Consultancy Services, според извештајот на компанијата за проценка на брендови Brand Finance Global 500 2023.