Со текот на годините, компаниите смислија некои прилично оригинални (а понекогаш и необични) поволности за да привлечат и задржат таленти - од неограничено време за одмор до изолирани соби за спиење до библиотеки за вработени. Но, некои поволности и не се баш очекувани, како што за некои вработени, неодамна Дилојт воведе поценети - бонус Лего.

Глобалниот гигант за професионални услуги долго време им обезбедува на вработените со полно работно време до 1.000 долари годишно за хоби и активности за слободно време по нивен избор. Сепак, неодамна ги приспособија правилата за да можат средствата да покријат нешто што претходно беше исклучено.

„Големата четворка“(Дилојт, Прајсвотерхаус Куперс, Ернст и Јанг, КПМГ) сега додаде „Лего коцки и сложувалки“ на списокот на предмети што ги враќа Дилојт, пренесува Бизнис Инсајдер.

Љубителите на коцки, сложувалки и лего комплети во компанијата се воодушевени - внатрешните пораки се полни со коментари како: „Лего?!?! Конечно!“ и шеговити планови за купување на најновиот сет „Војна на ѕвездите- Милениумски сокол“, кој претходно беше тешко да се оправда за 849 долари.

Зошто лего?

Во време на економска несигурност и пазар на труд кој ги фаворизира  работодавците, може би изгледа необично што Дилојт вложува во вакви бенефиции. Но, науката нуди интересно објаснување.

Работата во професионални услуги е позната како исклучително тешка и стресна, а охрабрувањето на вработените да се релаксираат со повеќечасовно редење Лего коцки е секако поевтино од последиците од прегорување на работното место.

Неодамнешните истражувања покажуваат и дополнителни придобивки. Британските научници спроведоа експеримент со 409 деца на возраст од шест и седум години, воведувајќи лего активности во наставата. Резултатот? Значително подобрување на способноста за ментална ротација (визуализација и манипулација со предмети во мислите) и подобри математички резултати.

Играта е како тренинг за мозокот

Овие придобивки не мора да бидат резервирани само за деца. Експертите веруваат дека играњето со коцки развива просторно и аналитичко размислување на сите возрасти. Покрај тоа, ја стимулира креативноста, го намалува стресот и помага да се влезе во состојба на „тековите“- длабока концентрација што носи задоволство.

Психологот од Универзитетот во Аризона, Џесика Ендрус-Хана, објаснува дека овој вид креативна игра ја поттикнува флексибилноста на умот и спонтаноста. Нејзиниот колега Марк Петерсон користи Лего на часовите по претприемништво за да ги научи студентите на иновации и размислување „надвор од рамката“. Науката јасно става до знаење: редењето коцки не е само игра (за деца). Тоа е вежба за мозокот и извор на радост што компаниите треба да го имаат предвид.