Фудбалските клубови и берза - головите на терен не значат заработка од клубските акции. Фудбалот е една од најважните споредни работи во светот, став што го дели најголемиот дел од популацијата, но голем процент тврдат дека најважна работа се всушност парите.

Каде се среќаваат овие две работи,-Фудбалските клубови и берза, а да не е во прашање кладилница?

Огромното мнозинство љубители на фудбалот за навивањето за својот омилен фудбалски клуб се обидуваат да добијат готовина преку кладилница. Но, поединци можат да пробаат да дојдат до добри суми и со инвестирање во акциите на клубовите на берзите, пишува порталот Berze.me.

Фудбалските клубови и берза - головите на терен не значат заработка од клубските акции

Ако обожавате фудбал и истовремено ја сакате берзата, сигурно барем еднаш сте се запрашале дали вашиот омилен тим е акционерско друштво и дали е можно да станете еден од неговите сопственици со купување акции.

Во овој текст се објавени фудбалски клубови кои се регистрирани како акционерски друштва и чии акции се котираат на една од светските берзи.

Факт е дека нема многу такви клубови, но веруваме дека многумина од вас ќе го најдат својот омилен клуб од Англија, Италија, Германија...

Заработката на берза не може да се мери со таа во обложувалница

Едно е важно да се разјасни - заработката на берза не може да се мери со заработка во обложувалниците. Бидејќи цените на акциите на клубовите не варираат значително, но од друга страна, не можете да го изгубите целиот удел ( како што за жал е најчестиот случај со обложувалниците).

Друг важен факт е што резултатите и успесите на тимот на терен, обично НЕ кореспондираат со движењата на цената на акциите на даден клуб на берзата.

Затоа, во никој случај не помислувајте дека преминот на Рома во групната фаза од Лигата на шампионите ќе ви донесе заработка на берзата.

# 1 Manchester United (MANU) - Пазарна капитализација на овој клуб е 2,66 милијарди американски долари. Цена на 26.03.2021 година. - 16,15 американски долари.

Еден од најпознатите фудбалски клубови во светот

Манчестер Јунајтед се мачеше во домашната лига и европските натпреварувања откако легендарниот менаџер Алекс Фергусон го напушти клубот во 2013 година.  Единствено во сезоната 2016/17 го освои второто најсилно натпреварување на УЕФА во Лига Европа. Потоа не ја освои Лигата дури и откако смени неколку менаџери и потроши милиони за трансфер на пазарот.

Инаку, Клубот заработува пари во три главни сегменти:

1.Комерцијален што вклучува:

Спонзорства: Брендовите му плаќаат на клубот да ги истакнува своите логоа на стадионите и клупските дресови

Малопродажба, стока, облека и лиценцирање на производи: продажба на спортска облека, чаши за кафе, па дури и постелнина и друга стока што содржи марка Манчестер Јунајтед.

2.Емитување: Приходите од емитувањето доаѓаат од глобалните телевизиски права кои се однесуваат на Премиер лигата, клупските натпреварувања на УЕФА и други натпреварувања.

3.Ден на натпревар(Matchday): Продажба на билети за 74.140 места на стадионот, Old Trafford. Тој е најголемиот стадион на фудбалски клуб во Велика Британија и како што досега се пријавува, има над 99 процентна посетеност на натпреварите во Премиер лигата.

Најуспешниот италијански клуб

# 2 Juventus (JUVE) - пазарна капитализација на клубот изнесува 1,03 милијарди евра. Цена на 26.03.2021 година е  - 0,7726 евра.

Јувентус е најуспешниот италијански фудбалски клуб и минатата сезона ја освои титулата во Серија А. Всушност клубот освои девет последователни титули. Исто така, како што сите знаете, Кристијано Роналдо е главната ѕвезда во тимот.

Клубот излезе на Borsa Italiana во декември 2001 година. Во моментов е еден од трите италијански клуба со чии акции се тргува на берза. Меѓутоа, ако досега инвестиравте пари во IPO, денес вашата инвестициска сметка ќе беше во минус. Цената на акцијата падна за 35 отсто во последните 20 години.

Милионери

# 3 - Borussia Dortmund (BVB) - пазарна капитализација 507 милиони евра. Цена на 26.03.2021 година - 5.505 евра.

Борусија Дортмунд е познат германски фудбалски клуб со прекар „Милионери“. Тие го добија својот прекар затоа што отсекогаш биле многу успешни во трансферот на пазарот на начин што се води според логиката „купи ефтино продавај скапо“. Како што можеби сте чуле, „Милионерите“ неодамна заработија добри пари од продажбата на Christiana Pulisica i Ousmanea Dembelea.

Главните достигнувања на клубот вклучуваат осум германски шампионати и три германски купа (освојување на двојната круна во 2012 година). Потоа, освојување на титулата во Лигата на шампионите во 1997 година, што го прави еден од најуспешните клубови во историјата на германскиот фудбал.

Борусија Дортмунд во 2000 година ги најави своите акции на берзата во Франкфурт. Тој сè уште е единствениот германски фудбалски клуб кој јавно котира на берзата.

Важно е да се напомене дека цената на нивната акција се зголеми за 137 отсто во последните 16 години, иако во овој период, Борусија Дортмунд има освоено само три шампионати како првак на земјата.

Девет титули, но мал раст на цената на акцијата

# 4 - Ajax (AJAX) - пазарна капитализација 290 милиони евра. Цена на 26.03.2021 година. - 15,80 евра.

Ајакс од своето IPO во 1998 година со што официјално излезе на берза има освоено девет титули во холандска лига. За тоа време, цената на неговата акцијата порасна за само 30 отсто.

Пад на акциите  на италијанските клубови

# 5 - AS Roma (ASR)- пазарна капитализација 175 милиони евра. Цена на 26.03.2021 година. - 0,278 евра

Рома се појави на берзата во 2000 година. Во последните 21 година цената на акциите падна за дури 88 проценти, најмногу под влијание на непрофитабилното работење на клубот.

6 - Lazio (LAZI) - капитализација на пазарот 77 милиони евра. Цена на 26.03.2021 година- 1,1360 евра.

Сосиета Спортива Лацио, попознат само како Лацио, е италијански фудбалски клуб кој игра во Серија А.

Клубот своите домашни натпревари ги игра на стадионот „Олимпико“ во Рим со капацитет од 82.300 места. Стадионот го дели со градскиот ривал АС Рома.

Лацио ги стави своите акции на Borsa Italiana во 2000 година и беше првиот италијански клуб што го стори тоа. Подоцна му се придружија градските ривали АС Рома и торинскиот Јувентус.

Важно е да се напомене дека последната титула на Лацио во Серија А беше освоена во 2000 година. Цената на нивните акции падна за 97 отсто во споредба со тој период!

Клубови со значителен пораст на акциите

# 7 - Celtic (CCP) - пазарна капитализација 104 милиони фунти. Цена на 26.03.2021 година - 110 GBP( Conversion British Pound )

 

Ривалите од Глазгов, Селтик и Ренџерс, имаа свои акции котирани на берзата во Лондон до 14 јуни 2012 година. Таа година Ренџерс прогласи банкрот. Тоа му го отвори патот на Селтик, кој доминираше во лигата досега. Освои  девет последователни титули. Последната во сезоната 2018/2019. Минатата година лигата беше откажана поради пандемијата од корона вирусот.

Доминацијата во лигата во голема мера влијаеше на цената на акциите на Селтик - таа се зголеми за 85 отсто во последните 26 години.

# 8 - Benfica (SLBEN) - пазарна капитализација 52 милиони евра. Цена на 26.03.2021 година. - 2,27 евра.

Бенфика котира на берзата во Лисабон.

Тие имаат освоено шест од последните 10 шампионски титули во португалската лига. За тоа време, цената на акциите порасна за 77 отсто.

Португалски клубови -големи осцилации

# 9 - Sporting CP (SPSO) - пазарна капитализација од 70 милиони евра. Цена на 26.03.2021 година - 1,05 евра

Спортинг ЦП игра во португалската лига, но не толку успешно како нивните главни ривали Бенфика и ФК Порто.

Цената на акцијата падна за 80 отсто во последните 23 години.

# 10 – Sporting Clube de Braga Futebol (SCLB) - капитализација на пазарот од 10 милиони евра. Цена на 26.03.2021 година– 10 евра.

 

Спортинг Клуб де Брага Фудбал или Брага исто така играат во португалската лига. Полицата за трофеи во клубот не е многу полна, имајќи предвид  дека клубот во својата историја има освоено само два трофеи во Купот на Португалија, во 1966 и 2016 година. Додека лигата никогаш не ја освоил.

Сепак, во споредба со 2006 година кога акциите на овој клуб беа котирани на берзата во Лисабон, цената се зголеми за неверојатни 2.122 отсто.

# 11 – FC Porto (FCPP)  - пазарна капитализација од 16 милиони евра. Цена на 26.03.2021 година- 0,70 евра.

ФК Порто е главниот ривал на Бенфика и во последните 10 години имаат освоено пет титули во португалската лига.

Иако е успешна во националното натпреварување, цената на акциите на овој клуб се намали за 89 проценти во последните 23 години.

Големата тројка на турскиот фудбал

# 12 – Trabzonspor Sportif Yatirim ve Futbol Isletmeciligi Ticaret AS (TSPOR) - пазарна капитализација од 1,07 милијарди турски лири (110 милиони евра). Цена на 26.03.2021 година - 2.130 TRY( Conversion Turkish Lira).

Трабзонспор Спортиф Јатирим и Фудбал Ислетмечилиги Тикарет АС или Трабзон игра во турската лига. Во нивната историја, тие го освоиле турскиот шампион шест пати, последен пат во 1984 година.

Акциите на клубот беа котирани на Истанбулската берза во 2005 година. Во споредба со IPO, цената се зголеми за 88 проценти.

# 13 – Besiktas Futbol Yatirimlari Sanayi ve Ticaret AS (BJKAS) ) - пазарна капитализација од 1,66 милијарди турски лири (170 милиони евра). Цена на 26.03.2021 година - 6.930 TRY( Conversion Turkish Lira).

Бешикташ игра во турската лига, и е главен ривал на Ferebahce и Galatasaray во турската лига. Во последните 10 години тие освоија само две титули во националниот шампионат.

Меѓутоа, цената на акциите на клубот се зголеми за дури 837 проценти во текот на 14-те години на котирање на Истанбулската берза. Најголемиот раст беше постигнат во претходната година, што е уште поневеројатно, со оглед на значителниот пад на приходите во целата фудбалска индустрија предизвикан од пандемијата, што не го заобиколи ниту овој трофеен истанбулски клуб.

# 14 – Galatasaray Sportif Sinai ve Ticari Yatirimlar AS (GSRAY) - пазарна капитализација од две милијарди турски лири (210 милиони евра). Цена на 26.03.2021 година - 3,71 TRY( Conversion Turkish Lira).

Галатасарај, најтрофејниот турски клуб во последните 10 години со пет освоени титули во националното првенство, се води како прв од фудбалските клубови во земјата на Истанбулската берза во 2002 година.

Фудбалските достигнувања на овој клуб не се придружени со цената на акциите на клубот. Цената на акциите падна за 17 отсто од објавувањето.

# 15 – Fenerbahce Futbol AS (FENER) - пазарна капитализација од 2,71 милијарди турски лири (280 милиони евра). Цена на 26.03.2021 година - 27,36 TRY( Conversion Turkish Lira)

Фенербахче ја комплетира големата тројка на турскиот фудбал. Клубот од Босфор ја освои титулата национален шампион само двапати во последните 10 години, последен пат во 2014 година.

Таа котира на Истанбулската берза од 2004 година, кога почетната цена беше 9,41 TRY. Значи, до денес, цената на акциите се зголеми за одлични 190 отсто!

Лион е единствениот француски клуб кој котира на берзата

# 16 – Olympique Lyonnais Groupe SA (OLG) –- пазарна капитализација 135 милиони евра. Цена на 26.03.2021 година - 2,34  евра.

Олимпик Лион Гроуп СА или Лион е единствениот француски клуб кој котира на берзата. Во сенка на Paris Saint Geirman, кој е во сопственост на богати катарски инвеститори, клубот не успеа да го освои францускиот шампионат во последните 10 години. Тоа значително влијаеше на цената на акциите на овој клуб котиран на Париската берза.

Имено, бидејќи клубот беше на листата на оваа берза во текот на 2007 година, кога за последен пат ја освоија и титулата во националното првенство, цената на акцијата падна за 78 отсто.

Заклучок

 

Фудбалските клубови и берза. Кога и да се помешаат љубовта и парите, тоа обично не успева.

Таков е случајот со фудбалот. Сè уште не сме сретнале обложувач, кој професионално се занимава само со овој „занает“ да живее задоволно.

Од друга страна, берзата треба да биде целосно лишена од секакви емоции.  Тоа подразбира совет дека никогаш не треба да купувате акции од вашиот омилен клуб, туку акции на клубот за кој проценувате дека ќе ви донесат најголем профит.

Фудбалските клубови и берза. Како сега стојата работите цените на акциите на овие 15-тина клубови главно паѓаат, а неколку од нив имаа дури и катастрофални загуби.

Работите може да се влошат со оглед на тоа што сè уште не е сигурно кога клубовите ќе можат да остварат приход од продажба на билети поради несигурноста од пандемијата. Дури и кога ќе започне продажбата на билетите, клубовите сè уште не би биле во можност да го продаваат целиот капацитет на стадионот поради правилата за растојание.

Дотогаш, можете да му помогнете на вашиот клуб со купување оригинален дрес.

Македонски клубови

Фудбалските клубови и берза се тренд и овде. И Македонските клубови како акционерски друштва се на слободниот пазар на Македонска берза. Неодамна петте досегашни акционери на ФК „Победа“ од Прилеп своите (2500) акции ги отстапија на Градот Прилеп, кој сега е негов сопственик. Се очекува за акциите да има јавна објава за продажба, на сите кои се заинтересирани за спас на „Победа“ .

Инаку на слободниот пазар на македонска берза се наоѓаат и акциите на футбалските клубови: Беласица, Борец, Работнички, Шкупи. Каква е вредноста на нивните акции, нивните движења и трансакции, или пак мирување, во некоја следна анализа.